Kay 924 niki rimanakuypi, Mamallakta Tantanakuyka, kay Ley de Seguridad Social para la Jubilación Especial para el Cuerpo de Vigilancia de la Comisión de Transito del Ecuador kamachiy rurana killkata shukniki rimanakuypi riksishpa kallarirkakuna, kay kamachiyka kaypi llamkakkuna samakullkita pakta charichun, shinallatak kayshina llamkay chikan kashkata riksishpa shinallatak chikan llamkayta charishkamanta, 25 watakuna chayachishkata yupashpa, mashna wata charishkata mana rikushpa paktarinapak yanapanka, nirka.
Chaypakka, kamachi killkakkunaka Huver Rafael Orozco, comandante de la Comisión de Tránsito del Ecuador tantanakuy pushakta chaskirka, payka kay tantanakuypak llamkashkata willashpa, paykunapak llamkayta paktanapakka punchantami yachashpa katinchik nirkapashmi. Shinapash, paykunapak chapay llamkaypika punchantami waklliriynalla kanchik, pachakuna sinchikashkamanta, yallitak uyarikuna sinchiyashkamanta, antawakuna sarunalla kashkamanta, shuktak llakikunapash, chaymantami kay llakika kawsayta wakllirinallapi churan.
"Chapashpa llamkayka pusak pachakuna llamkanapak churashkata yallimi paktana kan, wakinpika 12, 16 sayllakunakama", nirkapashmi. LLamkaypi paktarishka unkuyta charikkunapash tiyanmi; pusak chunka ayllukunami wañushka, shuktak llakikunapash tiyan. Kaymantami, kayshina llamkaypi paktarikpak hayñita riksichun kayachinchik nirka, kay Cuerpo de Vigilancia de la Comisión de Tránsito del Guayas tantanakuypak haynita kutinpash charinapak yanapashkamanta.
Kay kamachiy rurana killkapika samanapak yanapaymi rikurin, shinallatak Ecuador llaktapi chapashpa llamkak shuktak ayllukunapash yanaparinka, pakta pakta llamkaypi kashpaka, shinapash kay Uchillakamachiyta katishpami paktarinka.
Shinaka, samana pachaman kimiriy ushankami tukuy ayllukuna 25 watakuna llamkayta paktashka kashpaka, mashna watakuna charishkata mana rikushpa, puchukay killapi hapikushka killakullkiwan sakirinka.
Kamachiyka 60 punchakuna ukupi, Instituto Ecuatoriano de Seguridad Social (IESS) tantanakuy, Pushakkunawan tiyarishpa, shuk Uchilla kamachiyta ruranka kayshina kay Ley de Jubilación Especial para los Miembros del Cuerpo de Vigilancia de la Comisión de Tránsito del Ecuador kamachiy rikuchishkata paktachinkapak.
EG/pv/cg-k
Ashtawan Shuyukuna:
