Kay 924 niki rimanakuypi, Mamallakta Tantanakuyka, kay Ley de Seguridad Social para la Jubilación Especial para el Cuerpo de Vigilancia de la Comisión de Transito del Ecuador kamachiy rurana killkata shukniki rimanakuypi riksishpa kallarirkakuna, kay kamachiyka kaypi llamkakkuna samakullkita pakta charichun, shinallatak kayshina llamkay chikan kashkata riksishpa shinallatak chikan llamkayta charishkamanta, 25 watakuna chayachishkata yupashpa, mashna wata charishkata mana rikushpa paktarinapak yanapanka, nirka.
Kay Ley de Seguridad Digital kamachiy rurana killkapak llamkaywillayta ayllukunaman riksichishka kipa, Seguridad Integral Minkarishkapi allichishka, llaktapak, shukllapak 30 yalli llamkaywasikuna shinallatak ciberseguridad yachak ayllukuna chaypikashkawan allichirkakuna, Mamallakta Tantanakuyka ishkayniki rimanakuyta kallarirka.
Shuk yuyarina rimanakuypimi kuna puncha Mamallakta Tantanakuyka, 01 puncha wayru killata "Día de la Identidad Montubia Ecuatoriana" nishpa shutichin shinallatak Los Ríos markatapash riksirishpa "Capital Nacional Del Cacao" nishpa shutichirkakuna.
Tukuy chaypikakkunami, 117 ari apushitaywan, Mamallakta Tantanakuymanta shuk yuyarinakushka killkawan Llakta pushak, Daniel Noboa Azín runata, kay Servicio de Acogimiento Institucional de Niñas, Niños y Adolescentes wasikunata utkashpa yanapana nishpa shutichichun shinallatak Economía y Finanzas llamkaywasitapash kullkita pakta chayachichun kayachirka, kayshina yanapaywanka shamuk pachakunapi hayñikuna ama wakllirichun shinallakta llakikunata pakta chimpapuranapak, nirka.
Mamallakta Tantanakuypi chaypikak tukuy kamachi killkakunami. 122 ari apushitaywan, kay Ley para el Control del Espacio Aéreo Nacional kamachiy rurana killkata arinirkakuna, Kay kamachiyka mushuk Mamallakta Tantanakuypak chunka pusakniki arinishka kamachiymi.
Mamallakta Tantanakuyka Fiscalización y Control Político Minkarishkatami shuk yuyarinakushka killkawan Ministerio de Energía y Minas llamkaywasi llaktapi zirma illay llakita chimpapuranapak arinirkakuna.
86 ari apushitaywanmi, Mamallakta Tantanakuyka shuk yuyarinakushka killkata Llakta pushak kay E487 Balbanera - Pallatanga – Cumandá – Bucay – Guayaquil; vía E35; vía E47; vía Calpi – San Juan – El Arenal ñankunata allichinapak kullkita chayachichun kayachin, kayshina mañaytaka llaktayukkuna tukuy llaktapi pakta kacharishka purina hayñita paktachun sumaychachunpashmi kan.
Mamallakta Tantanakuyka, 95 ari apushitaywanmi, Energía y Minas llamkaywasi ñawpapushak, Fernando Santos Alvite runata, paypak llamkaykunata mana alli paktachishka nishpa llaktaywanachirka. Kay yuyarinakushka killkataka Fiscalía General del Estado shinallatak Contraloría tantanakuymanmi chayachinka, paykunami ima kutichinata charishkataka, pushaypi pantarishkata shinallatak ima llakikuna tiyashkatapash riksishpa rikuchinkakuna.
Kay Movilidad Humana Kamachiy mushukyachinata shinalltak Control del Espacio Aéreo Nacional kamachiy rurana killkatami Mamallakta Tantanakuyka llamkanapak churashka, kay kullka punchami ishkay hatun rimanakuy 09h00 pacha tutamanta kallarinka, kashnami Henry Kronfle pushak kayachishka.
Mamallakta Tantanakuypi Energía y Minas llamkaywasi ñawpa pushak, Fernando Santos Alvite, runata llaktay ñawinchiy kallarin, Mamakamachiypi shinallatak Kamachiykunapi rikuchishkata mana pakta rikushpa llamkashkamanta, zirmata llakpi charinapak mana pakta rikushkamanta shinallatak llaktapi zirma illayman chayachishkamantapash, yaku illashkamanta, kayshina llakikunaka riksishka harkanalla kashkamanta.